1 Et cum compleretur dies Pentecostes, erant omnes pariter in eodem loco.

2 Et factus est repente de caelo sonus tamquam advenientis spiritus vehementis et replevit totam domum, ubi erant sedentes.

3 Et apparuerunt illis dispertitae linguae tamquam ignis, seditque supra singulos eorum,

4 et repleti sunt omnes Spiritu Sancto et coeperunt loqui aliis linguis, prout Spiritus dabat eloqui illis.

...

37 His auditis, compuncti sunt corde et dixerunt ad Petrum et reliquios apostoles: Quid faciemus, viri fratres?

39 Vobis enim est repromissio et filiis vestris et omnibus, qui longe sunt, quoscumque advocaverit Dominus Deus noster.

40 Aliis etiam verbis pluribus testificatus est et exhortabatur eos dicens: Salvamini a generatione ista prava!

41 Qui ergo, recepto sermone eius, baptizati sunt; et appositae sunt in illa die animae circiter tria milia.

42 Erant autem perseverantes in doctrina apostolorum et communicatione, in fractione panis et orationibus.

43 Fiebat autem omni animae timor; multa quoque prodigia et signa per apostoles fiebant.

44 Omnes autem, qui crediderant, erant pariter et habebant omnia communia.

...